長傾不見已經進入了第三部，我都希望講返少少有關呢個故事既野

不知不覺已經寫左...

長傾不見已經進入了第三部，我都希望講返少少有關呢個故事既野

不知不覺已經寫左70篇，陪伴左大家70個早晨，唔知大家有冇發現，其實每一部都有一個鮮明既主題

第一部－不見

寫既係兩個從未見過既人，佢地互相了解探索對方係唔係自己想搵既人，從每日一篇既話題入面搵出大家基本價值觀，了解對方既背景

第二部－相見

見面後，係唔係直接進入蜜月期呢？一開始係既，但係蜜月期入面，大家開始接觸到對方更多現實方面既情況，會開始有質疑同卻步，到底呢段戀情係唔係想像中咁美好呢？而習慣上既野亦會開始有衝突，開始左第一部份既磨合

第三部－第一次

呢一部應該正式進入甜蜜既環節，兩個人係埋一齊，一齊經歷既所有野都係第一次，呢種情感應該係令人難以忘懷，希望呢個第三部都會令大家比起之前兩部有唔同既感覺

同時好久不見將會不定期出現，一來故事入面既支線真係有限數，無可能日日都有新話題比到大家睇到，開得太多，我都寫唔到出黎

－－－－

係Patreon方面，都已經一個月多少少，如果你訂閱左既話，記得去睇返以下內容

第一部完結篇既見面內容－可以了解到佢地點解會一齊
第二部中間既見家長內容－可以了解到佢地點解會質疑
第二部完結篇既見面內容－可以了解到佢地點解會蜜月

另外仲有一部中篇故事－四條仔去Staycation，分別有響21／響30／生命之水三篇，已經上載左第一篇，今日會上載埋響30，大約講既係探討一個題目，由唔同階段、唔同價值觀既男人點去睇一件事，而響21就係探討出軌呢個題目，響30講既係移民

當然唔少得Patreon入面既《醉生夢死》單元故事，每集都係獨立故事，同大家講講酒，講講故事，已經有12篇了，不定期更新，當無中長篇故事時我夜晚都會update的

所以作為一個總結，訂閱Patreon既朋友已經睇到四篇長傾不見同好久不見既獨家故事，另外仲有12篇《醉生夢死》單元，整體字數都已經有3萬字

每月用幾十蚊去睇呢三萬字，我唔知算唔算值，但我希望呢個字數可以再一次提升

－－－－

至於其他長篇故事，我都要同大家講講，《是我，殺了奶奶》會繼續連載

Ps. 如果有留意我IG既，應該會發現最近幾日我都無再整圖文版，因為太花時間，每次都要整成半個鐘以上，呢半個鐘我諗有更多值得我寫既野，所以我會先暫停一下，IG方面我有新的計劃，希望大家會喜歡

講既係咁多，感謝大家呢70日連載既陪伴

---